Вести

Се апелира за почитување на закажаниот термин во пунктот за масовна имунизација. Имено, голем број на граѓани поради непочитување на закажаниот термин за ревакцинација, доагаат во голем број во исто време и со стварањето на „гужви“ се отежнува вакциналниот процес. Ве замолуваме, заедно, да го овозможиме нормалниот процес на работа. Секој кој има закажан термин ке биде вакциниран-тимовите работат со вакцинирање и на последното закажано лице. НЕ МОЖИ ВО 8 ч. ДА ИМА МНОГУ А ВО 16 ч. НИКОЈ, а пунктот работи од 8 до 19:30 ч. „ОД НАС СИТЕ ЗАВИСИ“ п.с.Слободното вакцинирање е без закажан термин – во секое време

Денеска во посета на Здравствениот дом во Битола беше министерот за здравство Венко Филипче, кој направи увид во реконструираните делови на зградата. „Нешто што е направено после 70 години, немало никава известиција од педесеттите години ,практично од кога почнал да функционира. Тоа значи дека целосно се реновирани внатрешните простории, ходниците, работните простории во делот на педијатриската служба, вакциналните пунктови, превентивната служба, превентивната стоматологија, понатаму делот каде што се чуваат вакцините за оние вакцини од редовните колендар и ова е на некој начин континуитет на процесот што започна пред две-три години кога беше целосно реновирана службата за Итна медицинска помош. Овој здравствен дом опфаќа голем дел на пациенти на кои што дава здравствена услуга и се финализира со замена на кровот. Битола и Здравствениот дом во перидот кој што следи после помошта која што треба да стигне од Делегацијата на ЕУ кај нас ќе добие и ново амбулантно возило, а понатаму во целокупниот процес на подобрување на условите во здравствените установи, тука ставаме фокус на реновирањето на болницата. Сакам да и честитам на директорката, на целокупниот здравствен персонал кој што изминатиот период покажаа дека можат да се справат со менаџирање на Ковид кризата. Дел од вработените во здравствениот дом се дел од здравствени работници кои што го  менаџираат целокупниот процес на вакцинирање и во салата, пунктот за масовна вакцинација, така што тие ги заслужуваат сите пофалби“ рече Филипче. Директорката на Здравствениот дом, Д-р Весна Спирковска рече дека голема е честа за неа и е благодарна за присуството на министерот Филипче во овој момент кога имаат шанса да покажат што се направиле во изминатите четири години. „За овие неполни четири години успеавме да му ја промениме душата на Здравствениот дом, остана само надворешноиста, а додека сите служби дел по дел се реновираат, во овој момент ги промовираме трите служби каде што се завршени реновирањата, претходно беше брзата помош, а во тек е реновирањето на депото за лекови, а за наредната година останува уште лабораторијата“ рече Спирковска.

Од понеделник ќе се врши ревакцинација со втора доза на Pfizer вакцината на лицата кои ја примиле првата доза во пунктот Даме Груев. Ревакцинацијата ќе се одвива во  регионалниот центар за масовна имунизација во Медицинско училиште на посебно одредени пунктови за тоа. Нови, први вакцини нема да се даваат, бидејќи дозите од МЗ се само за РЕВАКЦИНАЦИЈА Пунктот во Даме Груев не работи. Вакцинацијата со вакцината на Sinofarm продолжува да се спроведува како и досега во континуитет.

Денес 8.5.2020 од вкупно пријавени во системот 1.241 лица, вакцинирани се 876 или вкупно оваа недела 3.885. Честитки за тимовите и апел до населението:Пријавувајте се на сајтот-vakcinacija.mk „ПОДОБРО Е ДА СЕ СПРЕЧИ, ОД КОЛКУ ДА СЕ ЛЕЧИ“.

Регионалниот пункт за вакцинација во Битола започнува со работа од 4.5.2020. Денес пристигнаа и првите вакцини ,со кои се наполнаа специјално поставените фрижидери. Доставата на вакцини од МЗ ке се врши континуирано, со комплетно запазување на ладниот ланец на транспорт и прием.-До овој момент преку апликацијата на МЗ- vakcinacija.mk се пријавени над 18.000 лица, а за утрешниот ден пријавени се над 910 термини.-Вакцинацијата ќе се одвива на 25 вакцинални пунктови во две смени.-Регионалниот центар во Битола ќе опфака пет Општини-Битола, Прилеп, Демир Хисар, Крушево и Македонски Брод.-До сега во Битола се вакцинирани над 1.700 лица со вакцината на Astra Zeneca и 600 лица со вакцината Pfizer.-Непријавени лица преку системот нема да се вакцинираат.-Вакцинацијата во овој момент е најдобриот начин за заштита од Covid 19.

Јавната здравствена установа Здравствен дом ,,Д-р Хаим Абраванел,, – Битола од утре, 26.11.2020, почнува со работа на брзи тестови за Ковид 19. Новиот пункт ќе работи со закажување на пациентите преку ,,Мој термин,, од матичните доктори организиран од Министерството за здравство и министерот Венко Филипче во рамките на лабораториската дијагностика.

Во Јавната здравствена установа Здравствен Дом „Д-р Хаим Абраванел“ – Битола поставена е монтажна барака за отстранување на употребените заштитни средства при медицински интервенции – во посебен дел. „На овој начин обезбедивме уште една заштитна мерка од Ковид-19 за заштита на медицинскиот персонал, а уште повеќе на пациентите. Голема благодарност до ДООЕЛ „ФОД“ и директорот Методија Тасевски за оваа донација и нивната соработка. Сите заедно против Ковид-19“, велат од Здравствениот дом Битола.

Јавната здравствена установа Здравствен дом „Д-р Хаим Абраванел“ – Битола организираше медицинска едукација за вработените. Истата се одржа на отворено согласно со препораките за заштита од Ковид-19.

ЈЗУ Здравствен дом „Д-р Хаим Абраванел“ – Битола, со сопствени средства набави НОВА МЕДИЦИНСКА ОПРЕМА: 1. Набавен е стрес тест за Службата за спортска медицина за превентивни прегледи на младите спортисти за рано откривање на било какви кардиолошки проблеми. Целокупниот проект е во износ од 1.375.000 денари со ДДВ. 2. Набавени се седум полимеризирачки ламби (хелио) за потребите на Стоматолошката служба во вредност од 423.000 денари со ДДВ. 3. Набавени се три хематолошки бројачи: • Тридиференцијален хематолошки бројач за лабораторијата во здравствениот дом, •​Тридиференцијален хематолошки бројач за Службата за трудова медицина, наменет за систематски прегледи и •​Еден петдиференцијален хематолошки бројач за Главната лабораторија од најновата генерација кој претставува пресврт во хематологијата и овозможува издигнување на значително повисоко ниво со нови дијагностички параметри добивајќи подобри услуги за пациентите. Овој софистициран анализатор претставува многу повеќе од обичен бројач на крвни елементи со издигнат фокус на повисоко ниво и е ставен на детекција на патолошките примероци преку диференцијација на сите пет популации на бели крвни клетки. Вкупната цена на трите хематолошки бројачи изнесува 1.477.000 денари ДДВ. 4. Набавени се два фармацевтски фрижидери за чување на вакцини во Школска медицина во вредност од 187.000 денари со ДДВ. 5. Набавен е подоскоп за Службата за школска медицина како иновација за рано откривање на промените на стапалата кај децата, во вредност од 253.000 денари со ДДВ. 6. Набавен е сколиометар во одделот на Спортска медицина, за рано откривање на деформитети на рбетниот столб. Сите проекти се реализирани со сопствени средства на Здравствениот Дом.

Инвестиции во одржувањето на објектот на Јавната здравствена установа Здравствен дом ,,Др.Хаим Абраванел“ – Битола: Со ова се унапредуваат условите во здравствениот дом, што е од големо значење како за пациентите, така и за медицинскиот и останатиот персонал во домот.