Служби
Служба за превентивна здравствена заштита на деца од 6 до 18 години
Основна дејност
- Акцентот во работата е ставен на превентивната дејност за да се овозможи навремено откривање и спречување на многу деформации и патолошки состојби. Класичен метод за скрининг на здравјето на училишните деца и младина се систематските прегледи, кои се вршат организирано од страна на службата за превентивна здравствена заштита на училишни деца.
- Цел на систематскиот преглед:
- Следење на физичкиот и психосоцијалниот развој
- Рана детекција на здравствени проблеми и навремен третман
- Рано препознавање на ризични видови на однесување-детекција на бихејвиорални ризици
- Едукација за усвојување на здрави животни стилови
- Континуирана здравствено-воспитна активност со децата, родителите и наставниците, организирана во групи и поединечно со секој ученик / младинец.
- Возраст на вршење на систематските прегледи:
- Задолжителни систематски прегледи се вршат во прво, трето, петто и седмо одделение.
- Средношколците се опфатени со систематски прегледи во прва и четврта година или трета завршна година, а студентите во прва година.
- Содржината на систематскиот преглед зависи од возраста на ученикот, а кај сите ученици се прави Општ лекарски преглед и Лабораториски преглед.
- Контролни и целни прегледи.
- Во зависност од констатираните претходни состојби, се вршат контролни и целни прегледи за поедини видови на однесување или заболување/состојба.
- Вакцијација и ревакцинација.
- Вакцинација и ревакцинација се врши според препораките на СЗО и редовниот календар во Република Македонија:
| 6 години | МПР | Ревакцинирање |
| 7 години | Ди-те адултна, полио | II Ревакцинирање |
| 12 години | ХПВ | Вакцинирање |
| 14 години | Ди-те адултна, полио | III Ревакцинирање |
| 18 години | ТТ | IV Ревакцинирање |
- Посебно ранлива група на деца е онаа која е надвор од образовниот систем. Службата во соработка со патронажната служба и невладините организации превзема активен пристап во откривање на овие деца и нивно упатување до превентивните тимови. Овoј проблем е особено голем кај децата Роми кои не ги посетуваат училиштата.
Персонал
Здравствени услуги
- Службата ги врши следните здравствени услуги:
- Систематски прегледи
- Вакцинација и ревакцинација
- Здравствено-воспитна дејност
- Издавање потврди за редовна вакцинација според календарот за имунизација
- Издавање на потврди за психо-физичка способност на детето за упис во прво одделение на основните училишта
- Издавање на лекарски уверенија за вонредно студирање
- Издавање на препис на вакцини за патување во странство
- Службата за превентивна здравствена заштита на деца од 6-18 год низ бројки:
- Во учебната 2017/2018 година опфатени се околу15.000 ученици
- Направени се 7.436 систематски прегледи
- 4 900 прегледи пред вакцина
- 1.835 контролни прегледи
- Аплицирани се 4.325 вакцини
- Кај сите овие ученици се спроведени активности на здравствено воспитание.
Организациона структура
Денес Службата својата работа ја организира во:
- три амбуланти, најблиску до местото на живеење и образование, во кои ќе Ве дочека љубезен медицински перонал.
- Централна школска амбуланта
- Амбуланта Даме Груев
- Амбуланта Јосип Броз Тито
Опрема
Службата располага со современа опрема соодветно на потребите на пациентите.
Кадар
Медицинскиот персонал во оваа служба се состои од:
- 2 лекари специјалисти по училишна медицина
- 2 лекари по општа медицина
- Главна медицинска сестра со висока медицинска школа
- Медицински сестри со виша и средна стручна спрема.
Историја на службата
- Во далечната 1965 година беа отворени првите училишни амбуланти за здравствена заштита на училишни деца и младина. Имено, како резултат на согледаните потреби за обезбедување на перманентна здравствена заштита на учениците, следење на психофизичкиот развој во училиштата и надвор од него, контролирање на условите во кои се одвива наставата, хигиенските услови во училиштето, слободните активности, здравственото просветување и др. се створија можности за доближување на училишниот лекар до своите пациенти.
- Како императив пред новата служба се постави зголемување на бројот на стручните кадри. Се праќаа лекари на специјализација, па во еден период имаше дури 19 специјалисти во сите училишни амбуланти и студентската амбуланта. Битола се гордееше со стручноста на лекарските тимови и најдобрата организираност на дејноста во цела држава.
- Со реформите од 2006 година, Службата училишна медицина остана да работи само со превентивна дејност, а болните деца ги превзедоа матичните лекари.
Првиот чекор кон вашето здравје започнува тука!
Здравствен дом „Др. Хаим Абраванел“ Битола
